التخطي إلى المحتوى الرئيسي

مشاركة مميزة

exhibition stand builder cairo dubai

[ "In a crowded exhibition hall like this, it can be tough to stand out from the crowd. That's where Business Bay comes in. Our team of expert designers and decorators can transform any booth or stand into a show-stopping attraction that will draw in visitors and leave a lasting impression." At Business Bay  we pride ourselves on our creativity and attention to detail. We work closely with our clients to understand their needs and goals, and then we design and decorate a booth or stand that reflects their brand and captures their audience's attention." We don't just design and decorate booths - we also build and install them on-site, ensuring that everything is set up perfectly and ready to go before the exhibition opens." [ Working with Business Bay  was an absolute pleasure. They really listened to what we wanted and then brought our vision to life in a way that exceeded our expectations." The attention to detail was incredible. Every aspect of ou...
إرسال تعليق
قراءة المزيد

نصائح هتفيدك اكيد عند اشتراكك فى المعارض





نصائح هتفيدك اكيد عند اشتراكك فى المعارض




اختار بعناية المعرض اللى هتشترك فيه شركتك او مصنعك او مؤسستك و ده طبعآ بيكون بعد دراسة من خلال فريق التسويق فى شركتك




ده بيكون عن طريق
تحديد عدد من المعارض و دراستهم كويس جدآ من حيث المكان و توقيت اقامة المعرض و هل المعرض له دورات سابقة تمت اقامتها و البحث عن اراء المشتركين و زائرين المعرض و مدى تأثير المعرض على تسويق منتجاتهم او خدماتهم او التعريف بشركاتهم و اشهارها لجميع المهتمين بمجال تخصصهم و ده كان صعب زمان لكن دلوقتى عن طريق الانترنت و السوشيال ميديا  مواقع متخصصة فى المعارض و المؤتمرات  اصبح سهل جدآ و خلال ساعات قليلة يمكنك الوصول للمعلومات اللى محتاج تعرفها





- معرفة الحملة الاعلانية للمعرض و طرق الدعاية المستخدمه سواء دعاية اونلاين او اوفلاين يعنى مثلآ الشركة المنظمة هتعمل دعاية و اعلانات فين و على اي قنوات فضائية و هل هذه القنوات لها نسبة مشاهدة عالية ولا لا






- و لو فى الراديو هيكون فى محطات ايه و عدد مرات اذاعة الاعلان سواء فى التليفزيون او الراديو و التوقيتات اللى هيتم اذاعة الاعلان فيها و هيكون قبل برنامج او مسلسل معين و هل البرنامج او المسلسل ده ليه نسبة مشاهدة عاليه و لا اي كلام :)




لازم كمان تعرف هل الشركة المنظمة للمعرض مقتنعة بأهمية الديجيتال ماركتنج وتواجدها اونلاين




لان ده هيفرق كتير لأنهم لو مقتنعين بأهمية السوشيال ميديا واهميتها هتضمن انهم هيقدروا يوصلوا للجمهور المستهدف ولزائرين المعرض المهتمين بمجال عملك و مدى تواصل القائمين على موقعهم و صفحاتهم فى برامج التواصل الاجتماعى مع الزوار و الرد على استفساراتهم كل ده بالنسبة لمجال الدعاية و الاعلان


كمان لازم تعرف حجم الدعاية الاوفلاين المتمثلة فى اعلانات الجرائد و المجلات و لافتات الاعلان بالشوارع و الميادين يعنى مثلآ تسأل عن عدد اليفط اللى هيعلنوا من خلالها عن المعرض هتكون فين بالضبط و هل الاماكن المحددة تم اختيارها صح او لا مثلآ لو على الدائرى هتكون فى منطقة ايه و لو على كبرى اكتوبر هتكون فين و كم عددها و لو فى ميادين او شوارع مشهورة هتكون فين و بحجم قد ايه ومقروءة بالنسبة للمارة ولا لا






و الدعاية ده كلها هتكون قبل المعرض بفترة كافية ولا لا عشان تسمح للزائرين الترتيب لزيارة المعرض بوقت كافى




هنرجع تانى لموضوع الدعاية و الاعلانات بالجرائد و المجلات هل هى بجرائد مشهورة ومساحة الاعلان قد ايه و الخبر التحريرى اللى هيتكتب عن المعرض و عدد مرات الاعلان يعنى مش هيبقا يوم واحد قبل المعرض و شكرآ على كدا :)




طبعآ الشركات المنظمة للمعارض لو شركة تمام مش هيعدى عليهم الحاجات ده لانهم اكيد من خلال خبراتهم و تجاربهم هيكونوا استفادوا من اخطاء كتير لازم يقع فيها اي منظم فى بداية عمله




حاجه كمان مهمة جدآ و هى الاعلان عن المعرض عن طريق البريد الالكترونى كان زمان عن طريق البريد العادى و هل هيبعتوا دعوات لكبار الشخصيات المهورة فى مجال المعرض و هل العلاقات العامة و التسويق بالشركة المنظمة شايف شغله صح ولا نص نص




طبعآ لازم تسأل كمان عن رعاية المعرض الحكومية يعنى مثلآ لو معرض متخصص فى مجال العقارات او مواد البناء هل وزير الاسكان سيقوم بافتتاح المعرض و لو معرض ضخم و مهم ممكن يكون تحت رعاية رئيس الجمهورية او رئاسة الوزراء و ممكن جدآ يحضروا لافتتاح و ده طبعآ بيكون مهم جدآ لان هيبقا فى تغطية اعلامية كبيرة هتفيد المشتركين بالمعرض بشكل رهيب




لازم وانت بتتعاقد تشوف خريطة المعرض او ما يسمى بالبلان و تختار مكانك بعناية و طبعآ المساحة بتكون حسب الميزانية اللى انت مقررها و موفرها للاشتراك بالمعرض



نصيحة ماتبخلش على شركتك خصوصآ لو المعرض كبير و مش لازم يعنى تحجز مساحة كبيرة اوى لكن المكان مهم



حاول تعرف الشركات المنافسة حاجزين جناح شركتهم فين و حدد بنفسك هل عايز تكون قريب منهم ولا تفضل انك تكون بعيد عنهم و ده انت اللى تقدر تحدده



خلاص كدا اشتركت فى المعرض طيب الف مبروووك :)



هااا بقا هتعمل ايه فى الديكور الخاص بجناح شركتك



طبعآ ده بقا يهمنا احنا وانت كدا جيت فى ملعبنا و هنقدر نفيدك جدآ




حدد الاول هل هتحجز مساحتك مجهزة من الشركة المنظمة يعنى هتستلم الجناح مجرد بارتشن وكام كرسى و تربيزة و رول اب و مشى حالك ؟؟




ده طبعآ كبداية ممكن خصوصآ لو ميزانيتك لا تسمح بعمل ديكور مع ان مع شركة business bay هتوفر لك ديكور جناح شركتك بأسعار مناسبة و غير مبالغ فيها لووو تحب :)




طيب لو هتعمل ديكور للجناح سواء كان ايجار او تمليك انت هنا لازم تحدد عوامل كتير هتساعدك تظهر بمظهر لائق يجذب الزائرين واهم هذه العوامل هو تصميم الجناح و يا ريت تاخد وقتك و تختار التصميم بعناية و تاخد رأى الموظفين اللى فى شركتك و كمان يا ريت تاخد رأى اصدقائك و قرايبك كمان صدقنى ده مهم جدآ لأنهم هيقولوا رأيهم بصفتهم زائرين و هيكون بصراحة مش مجرد مجاملة زى ما زمايلك فى الشغل و الموظفين فى شركتك ما هيعملوا و ده بيحصل مش خيال لانهم لو شافوا ان التصميم عاجبك و هو مش كويس هيوافقوا و يقولوا جميل منعآ لاحراجك






و انت بتختار التصميم راعى الميزانية بتاعتك و حدد الخامات اللى هتستخدمها فى تنفيذ الجناح و هل هى مناسبة ولا لا و لو جناح المعرض هيكون تمليك مش ايجار حاول تضغط على الشركة اللى هتقوم بتنفيذ و تصنيع جناح المعرض انهم يستخدموا خامات قوية تستحمل لانك هتستخدم الجناح فى معارض كتير لان التكلفة بتكون مش قليلة لحد ما فأقل واجب تستخدم الديكور فى اربع خمس معارض و ممكن اكتر كمان و ده اللى بنراعيه فى شركتنا و هو سبب نجاحنا فى مجال تصميم و تنفيذ اجنحة المعارض فى مصر






نصيحة مهمة اختار الوان مناسبة للوجو بتاع شركتك مع ان ممكن تختار الوان مختلفة و تكون مناسبة بس مش دايمآ بتطلع حلوه






نوع الدهانات المستخدمة و البانر او الفينيل يكون خامات اصلية و مش رخيصة ( الغالى تمنه فيه )



لان ممكن تستخدم الديكور كذا مره زى ما قولنا قبل كدا




لازم كمان تعرف بعد المعرض هتقوم بتخزين جناح المعرض فين هل عندك مخزن و هل المخزن مناسب يعنى مافيش مشاكل زى تسريب مياه او صرف ثحى ممكن يبوظ جناح المعرض و ممكن تتفق مع الشركة المصنعة لجناح المعرض انهم يقوموا بالتخزين مقابل مبلغ مالى و بيكون بسيط مش كتير لكن بتضمن الحفاظ عليه و بيكون تحت مؤليتهم




طبعآ اعمال التركيبات و الفك و النقل يستحسن يكوت من خلال الشركة المنفذة لان خبرتهم بتساعدهم على اتمام هذا العمل على اكمل وجه و بطريقة افضل بكتير من اى حد غير متخصص فى مجال ديكورات المعارض




كدا انت تمام خلصت الحجز و كمان عملت جناح المعرض بشكل مناسب طيب فى حاجات تانيه مهمة






مثلآ ممثلين الشركة (اشورز) اللى هيقابلوا الزائرين و العملاء يا ريت يكون فى يونيفورم او على الاقل توحيد للالوان و تكون قريبة من الوان لوجو الشركة و لو هتحتاج اشورز من خارج شركتك يا ريت يكون معاهم حد من الشركة باستمرار للرد على اى استفسار و ياريت تعمل يوم او يومين قبل المعرض تدريب ليهم زى بروفات كدا تختبر فيها لباقتهم و تشرح اهمية المنتج او الخدمة الخاصة بشركتك و يكون اسلوبهم مهذب و يدل على المهنية فى التعامل و الرقى لان ده مهم و بيعطى انطباع ممتاز عن شركتك






ماتنساش اهم حاجه و هى وسائل العرض مثلآ هيكون فى شاشات او بروجيكتور لو مجال عملك محتاج ده فى المعرض و كمان ما تبخلش فى المطبوعات و الكتالوجات تكون بتصميم جذاب و انيق و ماتقولش ده الناس هتاخدها و تمشى






لو الف زائر خدوا المطبوعات و رموها ماتزعلش لان ممكن زائر واحد يعمل معاك صفقات و تكسب منه قد اللى دفعته فى المعرض الف مره و ده عن تجربة مش من وحى الخيال






تابعنا باستمرار علشان تعرف كل ماهو جديد فى عالم المعارض لان اكيد هتستفاد من الكلام ده مع انه كتير بس مهم و مش هنبخل على عملائنا باى معلومات تفيدهم و هنكون معاك دايمآ و كمان هنرشح لك اهم المعارض اللى ممكن تشترك فيها و تفيد شركتك

تعليقات

إرسال تعليق

المشاركات الشائعة